Nûçeyên Kurdistanî

Hilbijartinên Iraqê cihê baweriyê ye

Hilbijartinên Iraqê cihê baweriyê ye

Berdevka Wezareta Derve ya Amerîkayê ji Rûdawê re ragihand, li gor ew raportên ku ji aliyê rêxistinên civaka sivîl û navdewletî ve gihîştinê destê wan, hilbijartinên Iraqê cihê baweriyê ye.

Di konfranseke çapemeniyê de, Berdevka Wezareta Derve ya Amerîkayê, Heather Nauert di bersiva pirseke Tora Medyayî ya Rûdawê de ragihand: “Em agahdarî nûçeyên saxtekariyê di hilbijartinên Iraqê de ne û em agahdar in ku Komîsyona Bilinda Hilbijartinan lêkolînê li ser wan dike. Li gorî wan raportên ku ji aliyê rêxistinên civaka sivîl û navdewletî ve gihîştine me, hilbijartinên Iraqê cihê baweriyê ye.”

Heather Nauert herwiha pîrozbayî li aliyên beşdar di hilbijartinan de û xelkê Iraqê kir û da xuyakirin, giring e ku iraqiyan beşdarî di vê proseya demokrasî de kir.

Derbarê serkevtina Hevpeymaniya Saîrûn a bi serokatiya Muqteda Sedir de jî, ku ji sala 2003 ve li dijî mana hêzên Amerîkayê li nav axa Iraqê bû, Nauert got, ew agahdarî dîrok û helwestên Muqteda Sedir in û destnîşan kir, ku hikûmeta nû ya Iraqê dê hikûmeteke hevpeymanî be.

Derbarê rola Îranê li Iraqê û serdanên Fermanderê Hêza Quds a ser bi Supaya Pasdaran Qasim Sulêymanî bo Iraqê de jî, Berdevka Wezareta Derve ya Amerîkayê tekez kir, ku hejmoniya Îranê hertim ji bo Waşingtonê cihê nîgeraniyê bûye.

Nerîna min :