Nûçeyên Kurdistanî

Nêçîrvan Barzani gihat Enqere

Nêçîrvan Barzani gihat Enqere

Serokwezîrê Herêma Kurdistanê li ser vexwandina fermî ya Serokomarê Tirkiyê Recep Tayîp Erdogan, tevî şandeke pê re gihîşt Enqerê û ew ê tevî nêzîkî 40 serok û serokwezîrên welatên cîhanê beşdarî merasima sûndxwarina Erdogan bibe.

Peyamnêrê Rûdawê li Enqerê Şewket Herkî ragihand ku Serokwezîrê Herêma Kurdistanê Neçîrvan Barzanî li Firokexaneya Esenboga ya Enqerê ji aliyên berpirsên Tirkiyê ve hat pêşwazîkirin.

Piştî ku Serokomarê Tirkiyê bi fermî Serokwezîrê Herêma Kurdistanê Neçîrvan Barzanî vexwende Tirkiyê, şiroveyên derbarê başbûna pêwendiyên Tirkiyê û Kurdistanê de jî zêde bûne. Hinek şirovekar di wê baweriyê de ne ku piştî hilbijartinên Tirkiyê, zemîne ji bo nûkirina pêwendiyan çêbûye.

Îro demjimêr 16.00, bi dema Hewlêrê, merasîma sondxwarina Serokomarê Tirkiyê Recep Tayîp Erdogan  weke Serokê Tirkiyê birêve diçe.

Li ser daxwazeke fermî, ji aliyê Erdogan ve, Nêçîrvan Barzanî û şanda pê re,gihîşt Enqerê û dê li gel hejmarek zêde ji serok û serokwezîrên cîhanî di merasîmê de beşdar bibe.

Piştî gihîştina şanda Herêma Kurdistanê, li balafirxaneya navdewletî ya Esenbogayê Berdevkê Hikûmeta Herêma Kurdistanê Sefîn Dizeyî ji Rûdawê re ragihand ku beşdarbûna Nêçîrvan Barzanî di merasîmê de, gelekî girîng e û gaveke baş e ku têkeliyên siyasî bihêztir bibe.

Erdogan dibe yekemîn serokê Tirkiyê di vê sîstema nû de û dema serokatiya wî jî 5 salan didome.

Piştî giştpirsiya Başûrê Kurdistanê, ev yekem serdana Serokwezîrê Kurdistanê ye ji bo Tirkiyê. Berî çend rojan jî Serokwezîr Herêma Kurdistanê û Serokomarê Tirkiyê di pêwendiyeke telefonî de tekezî li ser xurtkirina pêwendiyên navbera Herêma Kurdistanê û Tirkiyê kiribûn.

 

 

1 Comment
  1. Babeta serlêdana Serokê Hikumeta Herêma Kurdistanê, bo Turkîyê ya ne bê lekeye.berî Nêçîrvan Barzanî bi gehê Anqerê Wezîrrkî ragehand ku YNKê bi planekê PKKê û Tevgera Gorranê li dijî Partî û Barzanî tehrîk kirî.Merema Wezîr tê ser seba ku di hatina Nêçîrvan Barzanî de yê digel hev behsa babetên sîyasî û ewlekarîyê bikin.An ku her Du yalî,yê bi hevre li ser tiştên têkeldar îtîfaq bikin.Ema nîyetên Dewleta Turkîyê li ser paşeroja Herêma Kurdistanê ji destpêkê de nerazî bûne…Dema Daîşê an Dewleta Îslamî talan û hêriş hanî ser Herêmê,Serokê Herpmê Hawar ji Erdogan xwezt lê Erdogan Ferman da Hikumet û Ordîyê û got, bila ti kes bi serê xwe,tiştekî neke.Serokê Herêmê hîngê nîgeran kir .Partîyên Herêma Suleymanîyê hîngê gavin zêde ber bi Îranê çûn.Li vira mebest û meqseda min ku Pêşeyên Kurd yên di mecala ragehandinê dene vê serlêdanê,bi bûyêrên berê girê nedin.Herêma Kurdistanê,bê seroke û meclîsa xwe nîv temame bi tenê 8artî hene ewjî bi hevre di rikeberîyêde ne.Herêm di rewşek teybetî de ye bes kare Bersivên Dagîrkeran bide lê nikare bipirse.Kesayetîya Nêçîrvan Barzanî cihê bawerîya rewşê pê tê,ji bo ku Nêçîrvan Barzanî miqtedîre ku digel dost û neyarên Kurdan re,bide û bistîne. Muhemd Dewran

Nerîna min :