Newşêrwan: Em dê piştgirya reformêm Neçîrvan Barzanî bikin

Tevgera Goran û Yekgirtûya Îslamî ya Kurdistanê beşdarî hikûmeta nû nabin û Newşêrwan Mistefa jî ragehand ku bi mercê cîbicîhkirina her şeş pakêtên çalsaziyê yên opozîsyonê piştgirî û çavdêriya hikûmeta nû dikin û li ser helwêsta xwe ya dijber ji bo her karekî xirab jî berdewam dibin. Çavkaniyeke agahdar ji Tevgera Goran jî dibêje di nav berendamên Partiya Demokrata Kurdistanê (PDK) de, Nêçîrvan Barzanî ji hemûyan xwedan şiyantir dibînin.

Li gor wan agahiyên ku ji çavkaniyeke agahdar gehiştine kovara Bas ê, eger Nêçîrvan Barzanî postê serokê Hikûmeta Herêma Kurdistanê werbigire, çend xalên bernameyê serekî yê hikûmeta wî nemana hêza çekdarî ya hizib, reformên darayî û nehiştina cezayê siyasî yên hizbî dibe.

Di vê derbarê de jêdereke agahdarî Tevgera Goran got: 

- Rast e heta niha biryara me ew e tevî hikûmetê nebin, lê belê di nav berendamên PDK-ê de em Nêçîrvan Barzanî ji hemûyan xwedan şiyantir dibînin, ger em li derveyê hikûmetê jî bin, bibînin ku reforman di warê darayî û çekdarî dike û bo wê mebestê pêngavan diavêje, em ê piştgiriya wî bikin û ger di karê hikûmetê de kêmasiyan jî bibînin em ê jê re bibêjin, wate me biryar nedaye dijayetiyê bikin.

- Newşêrwan Mistefa bi awayekî nerasterast ragehandiye ku tevî hikûmeta dahatû nabin û wek opozîsyon dimînin. Herwiha gotiye her hikûmetek ku wan pakêtan çaksaziyê yên ku opoziyonê pêşniyar kirine, bixe bernameyê xwe de dê piştgiriya wê bikin û di heman demê de çavdêriya wê jî dikin.

 Ji aliyekî din ve, Yekêtiya Niştimaniya Kurdistanê her du endamên serkirdayetiya xwe Hakim Qadir û Letîf Reşîd bo berendamên postê cîgirê serokwezîr destnîşan kirine, lê şensê Hakim Qadir zêdetir e. Erselan Bayiz jî ku, nuha cîgirê serokê parlamentoyê ye, dibe serokê Parlamentoya Kurdistanê. 

Jêderekê ji Yekgirtûya Îslamî ya Kurdistanê jî amaje bi wê yekê da ku ti pêşketinek di peywendiyên PDK û Yekgirtû de çênebûye û heta niha jî li gor piraniya serkirdeyên Yekgirtû beşdarnebûn di hikûmetê de baştirîn rê ye. Heta niha helwêsta Komela Îslamî ya Kurdistanê jî nayê zanîn, lê zehmet e Komela Îslamî bi tenê, bêy her du aliyên din yên opozisyonê,  tevlî hikûmetê bibe