KCK: Civîna li Hewlêrê hewla dînamîtkirina yekitiyê ye
Serokatiya KCK-ê di derbarê Kongreya kurdên Sûriye li Hewlêr daxuyaniyek belav kir. Di vê daxûyaniyê de KCK-ê, îdia dike ku ev kongreya li Hewlêr pêkhatî piraniya gel temsîl nake û ev yek hewldana parçekirina yekitiya kurdan e.
Di vê derbarê KCK di daxuyaniya xwe ya ku di ANF-ê de hatî belavkirin de dibêje: KCK’ê bal kişand ser civîna hin partiyên Kurdên Sûriyeyê ya li Hewlêrê pêk hat û got; “ Bûyerên li Sûriyeyê diqewimin, derfetên baş ên ku gelê me bikaribe mafên xwe bi dest bixin çêbûne. Lê ji bo serkeftinê divê hemû yekitiya Kurdan pêk bê, ev yek pir girîng û pêwîst e. Ji ber vê jî, konferansa ku li Hewlêrê pêk hat, tenê hin alî beşdar bûn. Ev konferans piraniya gel temsîl nake. Ji ber wê jî ev konferans li hemberî yekitiya vê parçeyê weke derbeyekê ye û hewldana kûrtkirina parçebûnê ye. Berjewendiyên gelê me yê Rojavayê Kurdistanê yekitî dixwaze. Li hemberî vê jî hewldanên wiha yên ku yekitiya Kurdan dînamît dikin têne kirin, ev yek mirovan dixe nava fikaran. Siyaseta ku desthilatiya Herêma Kurdistanê dimeşîne xizmeta yekitî û çareseriyê nake, parçebûnê pêş dixe. Di axaftin û daxuyaniyan de banga yekitiya neteweyî dikin, lê di pratîkê de li gorî vê yekê tevnagerin, ev helwestek ne rast e. Tu feydeya vê yekê ji bo gelê Kurd tune ye. Em di vê dema dîrokî de bang li aliyên peywendîdar ên Kurdan dikin ku dest ji van hewldanên parçekirinê berdin, her wiha, guhdarî kesên hêzên ku nayên yekitiya gelê me yê Rojavayê Kurdistanê nekin, nekevin bin bandora hêzên derve, di çarçoveya yekitiya azad a li welat de tekoşîna xwe ya ji bo azadiyê û dahatûya xwe xurt bikin.”
KCK di daxuyaniya xwe de behsa pêwendiyên Tirkiye û Kurdistana Başûr jî dike û dibêje: Di van demên dawiyê de rayedarên AKP’ê ji nunerên Başûrê Kurdistanê re teklîfa “Em ê li hemberî PKK’ê operasyoneke berfireh bidin destpêkirin, em ê vê carê ji vê belayê rizgar bibin, em dixwazin hûn jî beşdarî vê yekê bibin” birine. Dixwazin di hemleya konsepta şerê topyekin û komkujiyên nû de hin aliyên Kurdan jî beşdar bikin. Dixwazin li hemberî Tevgera Azadiya Kurdistanê şereke nû û li hemberî gelê me jî zemînê komkujiyên nû amade bikin. Kesên ku li ser esasê derewan şerê psîkolojîk dimeşînin, yên ku tevlî vana dibin û bi awayekê dibin amûr- kî dibe bila bibe, nasnameya wan çi be bila ew be- dibin hevkarê komkujiyên ku ji aliyê AKP’ê ve têne amadekirin.
Di qonaxekî de kurdên Sûriye kongreya niştimaniya Kurdên sûrî avakirîn û li hewlêra paytextê Kurdistanê ji bo rawenda kurdên sûriye kongreyek pêkanîn wek destkeftiyek mezin ji bo tevgera Kurd li Sûriye tê nirxandin. Ev helwesta KCK-ê û îdiayên di derbarê vê kongreyê de dikin gelekî balkêş e.
Rojevakurd
Nêrîn (4 nivîsand):
Helbet heger nûche rast be. Em dizanin ANF carnan derewan dike.
Hêjano serokatiya PKKê xayînti kiriye. Lê gerîlla zarokên me ne. Ew ne ji bo kêfa xwe derketine chiyê. Chê-xirab têkosherên me ne.
PKK ne bi gishtî ji xayînan pêk tê. Ji xeynî serokatiya wê bi gishtî ji welatparêzan pêk tê. Helbet nêrîneka wan jî heye.
Heger mirov behsa neteweyê bike, divê bi hemî kom, ber û rengên xwe bên temsîlkirin.
Serok Barzanî behsa Kongreya Neteweyî (yan jî konferans) kir. Dê helbet PKKyî jî werin, nêrîna xwe bêjin. Heger bên astengkirin, ji xwe ew jî nabe kongre/konferansa neteweyî.
Werin em êdî ji nêrînan netirsin.
were ser tirkiye dibeje serdana dike la hewler bo ameli an operasyonek berfireh,ew siyaseta kirej am nasdikin.bi hewladane Serok Barzani tirki nexweshe.muhakak cardi kurye devlete cu qandil got bela xwe li bashur bidin.bejin chi dibejin bejin hewler u tirk dest dane yek du.da ku resh bikin.. siyaseta kirej behna sheri te de heye.
ma ne derewe?carki Serok cu tirki u li tirki got em diji hewldane askerine.alikarnabin.heman roja gotina serok heye digot kes bla hewlnedin u cardi Kurd Bi Desta Kurd behet kushtin
icaa karayalino ma SErok anqare got em re nadin ija ewro li hewler re bidin turka??
here mendala u zaroka bixapine siyaseta resh u tari dema xwe bori xalo
Gelo devedorên PKKê hatin an nehatin vexwandin?
Heger hatibin vexwendin û ew bi xwe nehatine bila bêjin.
Heger nehatine vexwendin jî ev ne rast e. Xebatên neteweyî li ser hizban re ne. Tenê partiyekê nikare neteweyî temsîl bike û ne rast e jî.
Netewe ji gelek chîn, kom, bereyan pêk tên. Partiyekê tenê nikare him feqîran biparêze him jî dewlemendan. Ev derewek e.
Serokatoya PKKê ketiye destên tirkan û bûye xayîn. Rast e. Lê PKK ne tenê ji serokatiya xwe pêk tê.
PKK xwedî 15 hezar gerîllayan e (ev hêjmar ji rojnameyeke brîtanî ye). 4-5 milyon alîkar û sîmpatîzanên wê hene.
Ev ne hindik e.
Hûn bixwazin nexwazin 4-5 milyon mirov bi gotina wan dikin. Erê dixapînin xelkê, lê ma 1500 sal in em bi îslam û biratiya tirk-ereb-eceman naxapin?
Xapandin ne tenê ji bo Apoyiyan e. Em wekî gel, bi gishtî hêj jî bi tirk-ereb-eceman dixapin.
Carnan Rojeva Kurd jî bo gotinên Erdogan û AKPê dixape, pesnê wan dide.
Karên neteweyî bi efûkirinê, bi hezkirinê, bi ashitiya navxweyî, bi biratiyê dibe.
slav u rez
Nêrîna xwe birêke