Li Îranê xelk û rejim ji hev dûr dikeve
Financial Time, piştî biryara Amerika di derbarê Îranê de dayî, bi nivîsekî behsa rewşa Îranê dike û dide xûyakirin ku, Îraniyên bê pere lanetê li rejima ketî di nava gendeliyê de tînin.Li bazarên ku tiştên erzan difroşin , xelk ji bo kirîna xwarin û tiştên din dibûna dor, lê niha xelk li bazarê nagerin.Bihayê her tiştekî zêde bûye, xelkê hejar nikarê kîrînê bikin, pîrejinekî ku li bazarê dixwest hinek fêkî bikirê, digot:Xwedê bela xwe bide vê rejimê û yên gendeliyê dikin.Zarokên xwe rêdikin Amerika û Kanadayê û me birçî dihêlin. Rojname dema behsa vê yekê dike dixwaze zehmetiya jiyana rojane li Îranê bide xûyakirin.Rojname da xûyakirin ku, li Îranê bihayê tiştên xwarinê ji sersalê heta niha ji % 50 bihatir bûne.Financial Time di berdewamiya nûçeya xwe de dibêje:Pispor didin zanîn ku ji şoreşa 1979ê heta niha tu cara xelk û rejim evqas ji hev dûr neketiye. Ji sere sale heta niha bi hezaran xwepêşandan derdikevin qada û her ev cureyên xwepêşandana berdewamin. Hinek xwepêşandan ne gelek girsehîbûn, lê dijitiya xwe li himber rejimê vekirî didan xûyakirin. Rejim ditirsê ku, dorpêçên Amerika aciziya xelkê zedetir bike û xelk li dijê rejimê dest serhildanekî bikin.Li Îranê gelek kes ne razîbûna xwe bi awayek vekirî li dijê rejimê dide xûyakirin. Ev dikare bibe destpêka pêvajoyek nûjen li Îranê.